郑敬基人物活动

移民接受挑战90年代中，Joe一家四口移民多伦多，即担任多个电台清谈节目主持人，及后更成为电台节目总监。其间他亦有返香港拍戏，包括为人印象深刻的《烈火雄心》、《九五至尊》等，直至08年接受新挑战，担任了全加拿大第一个二十四小时全高清数码中文电视台加华视讯WOW TV的电视节目总监，至2010年Joe离开WOW TV，与几位朋友合资成立网台inixtv做起老板来，不过刚在九月他又淡出只担任网台顾问，再接受另一份挑战，出任华狮电影发行公司的多伦多分公司总经理，负责全加拿大的发行业务。Joe在长途电话中说：「淡出inixtv，畀啲后生仔玩，我就试下做未做过又喜欢嘅事，其实做网台啲客户直播都有啲钱赚，但我仲有仔有女，既然有个好机会嚟到，咪试下萝，之前都有挣扎过，见到存款得番少少喎，叮叮声响警号，就会有啲紧张，系咪要返香港拍野呢？通常呢啲情况都系做番自己最擅长嘅，返香港都OK，我都有同仔女商量，个女话冇所谓，后来我决定留低佢就话好开心。」原来唱歌肋的Joe很喜欢看电影，一年睇近100部，因觉得可透过电影警惕幸福可以突然失去，但亦会否极泰来做人不用太灰。搵雯女做访问Joe口中的子女原来都分别22及18岁了，但他多年前离婚一直未有再婚，在香港曾与邓萃雯、邝文珣拍过拖，反而在多伦多专心发展事业，他亦不急于搵个伴侣：「呢两年都冇，我人生中出现好几段感情，对方都尽心爱过你，又离左婚，有个曾经好爱自己嘅太太，我家同佢、佢先生都系好朋友，仔女同我又好好，一个人唔系成日要谂感情，咁大个仲谂童话故事羊。」不过Joe的朋友见他寡佬一名，怕他闷曾安排相睇，Joe说：「试过一次安排食饭，感觉好怪，佢的有心做，但我冇反应，我几锺意家咁，一个就嚟五十岁嘅人，唔会成日谂自己够唔够靓仔够唔够瘦，呢个年纪要做令自己开心嘅野，谂拍拖唔系令我开心嘅事。」没有感情着落的Joe，跟前妻仍是好朋友，早前邓萃雯到多伦多，亦接受Joe邀请上了电台做嘉宾，Joe笑言：「知佢嚟就搵佢做访问，通常都得嘅，因为冇乜唔好野做过嘛，哈哈……」不怀念唱饮歌转型做了电影发行公司高层，但Joe叫人最难忘的，还是他的饮歌《酒杯敲钢琴》，问到登台表演，Joe笑笑说：「间中有去美国登台，啲香港代理仲有搵，可能贪近挂，其实我自己就唔系好挂住呢啲歌，反而我生日啲朋友系咁叫我唱，好鬼烦，系要奚落我，不过大家真系好记得呢首歌。」

更多郑敬基资料>>